Kubako presidente izandako Raúl Modesto Castro Ruzen alaba da Mariela; abenduaren 12tik 15ra arte, Euskal Herrian barrena ibiliko da, hainbat berbaldi ematen eta zenbait elkartegaz batzen. Besteak beste, Parte Hartuz, Eman gizarte, politika eta komunikazioa, Euskadi-Cuba eta Cuba información.tv dira ekimenaren antolatzaileetako batzuk.
Habanako Sexu Heziketa Zentroko zuzendaria den Mariela Castro Espín legebiltzarkide kubatarrak berbaldia emango du eguazten honetan, abenduaren 12an, EHUko Leioako campuseko Hezkuntza Fakultatean. Hitzordua 10:30ean ipini dute, ikastegiko Juliana Agirrezabala aretoan: "Cuba, socialismo y diversidades" da hitzaldiaren izenburua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun