Leioa Kirol Elkarteak jakinarazi du Martín Bengoa erdilari otxandiarrak ez duela segituko Sarrienako klubean, Marokoko Lehenengo Mailako Chabab Rif Al Hoceima taldeagaz sinatu duelako.
Leioako futbol-taldeak gogora ekarri duenez, Bengoa joan den abuztuan heldu zen Sarrienara eta ordutik hona aktiboki lagundu du Leioa, taldeak lortu dituen emaitza onak izan ditzan. Gainera, minutu asko izan du futbol-zelaian.
Klubak eskertu dio Bengoari Leioa Kirol Elkartearen kamiseta jantzita erakutsi duen lana eta grina, eta zorterik onena opa dio etorkizunean, maila pertsonalean zein profesionalean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
