Suteak salatutako iruzkinean, tinder.leioa kontuko erabiltzaile batek Leioako Kultur Etxean egondako neska anonimo bat aipatzen du, seguruenik oraindino 18 urte bete barik dauzkala esanez, eta "pero bueno, que si hay pelito no hay delito" gaineratuz. Hurrengo mezuan iruzkin matxista gehiago egiten da.
Feministek Facebook bidez salatu dute jazotakoa, eta pankarta bat ere ipini dute herrian, "Haya o no haya pelito tu acoso es delito" testuagaz.
Instagrameko tinder.leioa kontua itxita dago lerro hauek idazteko momentuan. Antzeko izena duen bakarra tinder_leioa da, oraingoz mezurik ez daukana. Oso litekeena da, honenbestez, kontuaren kudeatzaileek aurrekoa itxi eta beste izen batez berriro ireki izana.