Probintzia Auzitegiaren erabakiak zuzendu egiten du hasiera batean Getxoko Lehen Auzialdiko epaitegiak emandakoa, hark ez baitzion eskola-jazarpena leporatu Askartzari. “Ikastetxeak ez duela erantzukizunik gertatutakoan eta eskola-jazarpenik ageri ez dela ere esan zuen epaileak”, jakinarazi du ikaslearen familiaren abokatuak. Ebazpena atzera bota du Bizkaiko Probintzia Auzitegiak, eta ikasleari kalte-ordaina pagatzera behartu du ikastetxea.
2015eko maiatzaren 15ean, neskak 13 urte zituela, gertatu zen jazarpena. DBHko lehenengo mailan “lagunen taldea galdu” zuela dio, beste gelako neska-mutil batzuekaz batera elkartu baitziren ordura arte beraren lagunak zirenak. Neska, lagun berri bigaz elkartzen hasi zen, eta “begirada arraroak” eta “ezizen iraingarriak” jasaten zituzten.
Jazotako guztiaren ondoren, neskak dio “larrituta, lotsatuta eta umiliatuta” sentitu zela, eta soinketara eta igerilekura joateari utzi zion.