Leioa Txartela kalean dago daborduko

Leioa Txartela, “tokiko merkataritza fidelizatzeko” martxan jarri duela dio Udalak. Bazkide diren saltokietan baino ezin izango da erabili, eta ekimenak “abantaila ekonomikoak eta balio gehigarriak” ekarriko dituela diote udal-iturriek.

Gastu gehigarririk ez duen txartela da, eta bazkide diren saltokietan hiru hilabetez interes barik ordaintzeko aukera ematen du, “munduko edozein lekutan erabili daiteke”, dio Udalak. Leioako Merkatarien Elkartea, Caja Rural Navarra, eta zenbait establezimendu eta herritar dira ekimenaren bultzatzaile nagusiak.

“Leioa kalitatezko merkataritza, turismo eta aisia leku gisa sustatzea da helburua, tokiko merkataritzaren garapena indartuz”, adierazi du Mari Carmen Urbieta Leioako Alkateak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun