Politika  Leioa 2019-02-14 12:13

Esnatu Leioa: “Udalak eraiki gura duen kiroldegi pribatua ez dugu behar leioaztarrok”

Kerman Santiago Alkorta

“Kirol-ekipamendu pribatua” sortu guran dabil Leioako Udala, orain dela hamalau urtera arte Inkarnazioetako Dominiken komentua zegoen lurzoruan. Esnatu Leioa udal-taldeak ekimenaren aurkako iritzia azaldu du: “Geriatriko berria zabaltzeko aukera galduko dugu”.

Esnatu Leioa: “Udalak eraiki gura duen kiroldegi pribatua ez dugu behar leioaztarrok”
© ESNATU LEIOA. | Ikusi handiago | Argazki originala

Jose Ignacio Vicente Esnatu Leioako alkategaiaren ustez, “kezkagarria da” hiri-antolamenduko plana aldatzea lurzoru urbanizagarrian kiroldegia eraikitzeko. Mendiaren erdian “ikaragarrizko ingurumen-inpaktua” izango duela ere gehitu du. “Uste dugu lotsagabekeria neurrigabea dela proiektuaren azalpenera arkitektoa, proiektuaren bultzatzaileak eta ni neu bakarrik joatea, abisua bi ordu lehenago etorri baitzen”, adierazi du hautagaiak.

Leioaztarren beharrakaz bat ez datorren ekimena dela ere esan du Vicentek. Udalerrian geriatriko baten premia, ordea, funtsezkotzat jo du: “Erandiora egin behar izaten dute haren beharra duten leioaztarrek, eta bertan dauden plaza urriakaz konformatu behar dute” kritikatu du. Zerbitzu pribatu eta etilistak albo batera uztearen alde agertu da Esnatu Leioako hautagaia. “Ez dugu onartuko eskualdeko pertsona dirudun gutxi batzuen onerako (Neguri, Algorta...) izango den hirigintza-operaziorik”, gehitu du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa