Itsasoa salbatzeko aldarria Kultur Leioan, domekan

© MUSIKLATU.

Musikatu konpainiak Itsasoen deiadarra ikuskizuna antzeztuko du, lehen aldiz Kultur Leioan. Itsasoa zaintzeko beharra ezagutaraztea da konpainiaren helburua, baita birziklapena sustatzea ere, itsasoko izaki bizidunen mesederako. Hilaren 24an (domeka) egingo dute antzezlana 18:00etan, Auditorum-ean. 

“2050ean litekeena da itsasoan arrainak baino plastikoa gailentzea”, dio obraren sinopsiak. Ur azpiko ikus-entzunezkoak aditzeko aukera egongo da, baita zuzeneko perkusiozko musika entzutekoa ere. “Bidaia liluragarria” proposatzen duela dio Musikatuk: “Emozioek lagunduko digute konturatzen irtenbidea gure esku dagoela, animatuko al zara urdin handia salbatzeko abenturan murgiltzera?”.

Euskaraz eta gazteleraz prestatu dute antzezlana, eta 50 minutuko iraupena du. 3,75 eta 5 euro bitarteko prezioa dute sarrerek.