Leioan igogailua eraikiko dute Aste Santuko opor-egunak amaitzean, udal-iturriek iragarri dutenez. Artatza auzoa eta Basañese kalea lotuko ditu, eta 655.436,27 eurokoa izango da horretara bideratuko den aurrekontua. Sei hilabete iraungo du obrak.
Artatza kalea eta San Bartolome baselizaren parea lotuko ditu igogailuak zehazki. Udalerri osoa ikusteko “behatoki txikia” egongo dela esan dute.
Horrez gain, igogailu berriak Artazan dagoen Bizkaibuseko geralekura irisgarritasuna hobetuko duela adierazi du Udalak: “Biztanleek asko erabiltzen dituzte eskailera horiek, garraio publiko horren bitartez euren lantokietara edo Leioako erdigunera joateko aukera dutelako”.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
