Maiatzaren 3tik 5era bitartean antolatu du Mendibile Jauregia Elkarte leioaztarrak Branke festaren V. edizioa. Txakolin berriaren etorrera ospatuko dute, eta hainbat ekimen prestatu dituzte abagunerako.
Inaugurazioa bariku arratsaldean egingo dute. Leioako Dantza Eskolako zuzendari den Andoni Aresti dantzariak, ereinotz sorta ipiniko du Mendibile Jauregiaren horman. Pisa con arte Javier Moureren obra ere aurkeztuko dute. Gainera, Te mamas & T’empapas taldeak zuzenekoa eskainiko du, 20:30ean.
Bizkaiko Txakolinaren Jatorrizko Izendapenaren 25. urteurrenari “asteburuan zehar ekintza askotan” omenaldia egingo diotela adierazi du Mendibile Jauregia Elkarteak. Besteak beste, eskolen eta federatuen arteko euskal pilota partidak, dastaketa gastronomikoak, herri-kirolak, hitzaldi enologikoak eta umeentzako ekitaldiak egingo dituzte aste-akabuan zehar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
