Laugarren postua eskuratu du Askartza Waterpolok Lehenengo Mailan, 40 puntu lortu dituzte leioaztarrek jokatu dituzten 12 partiduetan.
Javi Cortes taldeko entrenatzaileak adierazi du aurten laugarren postua baino “askoz gehiago” irabazi dutela: “Ez diogu lehiatzeari utzi, nahiz eta azken jardunaldietan matematikoki salbatuta egon”. Azken zazpi partiduetatik sei irabaztea “bikaina” izan dela ere azaldu du entrenatzaileak.
Horrez gainera, hurrengo denboraldian talde berbera mantenduko duela iragarri du Cortesek, dagoen maila “urte askotarako” mantentzea helburu izanda. “Lortu dugu erronka: edonor irabaztea, edonon”, gehitu du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!