Maskaradagaz hasiko dira bihar Lamiakoko jaiak

Lamiako maskarada, artxiboko irudian.

Udako jaien atarian gaudela, bariku honetan, maiatzaren 31n, hasiko dira Lamiakoko jaiak. Hala, domekara bitartean, hamaika ekitaldiz gozatzeko aukera egongo da Leioako auzo horretan. Lehenengo egunean, gainera, kalez kale ibiliko dira Prudentzia, Mari, Aker, Inguma, Sugaar, lamiak eta beste hainbat pertsonaia mitologiko.

Egitaraua

Maiatzak 31, barikua

  • 16:30  Txupinazoa
  • 17:30  Lamiako Maskaradaren lehenengo zatiaren hasiera (putzegilearen biribilgunetik).
  • 17:30  II. Fotografia Txapelketa, 2019ko Maskaradan oinarrituta (argazki bi pertsona bakoitzeko)
  • 18:00  Lamiako Maskaradaren bigarren zatia (Lamiakoko Metro geltokiaren ondoan)
  • 20:15  Dantza Plaza, Lamiakoko metro geltokiaren ondoan
  • 21:30  Dantzatu ondoren, ogitartekoak txosnan
  • 22:30  Lamiako Maskaradaren hirugarren zatia, eliza ondoan

Ekainak 1, zapatua

  • 08:00  Lamiakoko VI. Lapikoko Txapelketa, txosnan apuntatu (Leioako Merkatarien Elkartearen laguntzagaz)
  • 10:00  Txupinazoa
  • 11:00  Handi eta txikitxoentzako eskulan-tailerrak, txosna ondoan
  • 12:00  Kalejira eta buruhandiak
  • 13:00  Bitsa-jaia eskolako patioan
  • 13:30  Igel-toka txapelketa, Lamiakoko nagusien etxearen ondoan
  • 14:00  Lapikoen aurkezpena

Ekainak 2, domeka

  • 10:00  Txupinazoa
  • 11:00  San Maximoren omenezko meza
  • 11:00  Umeentzako gaztelu puzgarriak
  • 12:30  Poteoa txosnan
  • 12:30  II. Fotografia Txapelketako argazkiak entregatu (txosnan).
  • 13:00  Herri-kirol erakustaldia. Pentatloia, Zaldua eta Aratz Mugerzaren arteko erronka, harri-jasotzea, aizkolariak, txingak, gizon-probak eta plazara buelta

2016ko Lamiako maskarada

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun