Ertzaintzak 24 urteko gazte bat atxilotu du Leioan, eskola bateko futbol-zelaiaren aldageletan eskuko telefonoak, diru-zorroak eta bestelako objektuak lapurtzeagatik. Lapurtutako guztia ugazabei itzuli zaie daborduko, eta atxilotuak gaur deklaratu du epailearen aurrean. Aske utzi dute, karguakaz.
Atxilotua leiho bateraino eskalatuz lortu zuen eskolako aldagelan sartzea. Han, Ertzaintzaren arabera, entrenatzen zebiltzan jokalarien gauzak hartu zituen. Ertzaintzak 19:30ean jaso zuen dei bat gertatutakoaren berri emanez.
Kameren bidez identifikatu ostean, poliziak haren etxera joan eta trastelekuan topatu zituzten aldagelatik eroandako objektu gehienak: hamalau telefono mugikor, hamabi diru-zorro, dokumentazioa, urrezko kate bat eta bideokontsolako joko bat, besteak beste.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!