Leioako Udalak 1.500 bonu kaleratuko ditu herritarrek udalerriko dendetan eta bestelako zerbitzuetan gastatzeko, gaur prentsaurrekoan jakinarazi dutenez. Denera 39 negoziok egin dute bat Leioa bonoa kanpainagaz. Bonu bakoitzak 20 euroko prezioa izango du, baina 30 gastatzeko aukera emango die erabiltzaileei.
Irailaren 18tik urriaren 31ra bitartean erabili ahal izango dira Udalak zabaldutako bonuak, hainbat motatako saltokietan: ile-apaindegiak, arropa-dendak, farmaziak, estetika-zentroak, fruta-dendak... Azpimarratu dutenez, denak dira hamar langile baino gutxiagokoak.
"Gure herritarrek Leioan erostera bultzatzea da helburua", azaldu du Iban Rodriguez alkateak, "ohiturak aldatu baino ez dugu egin behar".
Zehaztu dutenez, erosketa bakoitzean bonu bi erabili ahal izango dira gehienez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!