Leioako Lagun Artea futbol-eskola 2014an jaiotako neska-mutilen bila dabil

Artxiboko irudia. © LAGUN ARTEA

Lagun Artea kirol elkarteko futbol-eskolak 2014 urtean jaiotako neska-mutilak behar ditu taldeak osatzeko. Lagun Artea Leioa Kirol Elkartearen parte da.

Lagun Artea kirol elkarteak 26 futbol talde ditu gaur egun, hurrengo kategorietan banatuta: hasiberriak, aurre-benjamin, benjamin, kimuak eta haurrak. Era berean, futbolaren munduan hasteko aukera eskaintzen diete adin txikiko neska-mutiltxoei, "kirolaren baloreak jasotzeko, kualifikatutako profesionalez eta kirol instalakuntzez inguratuta", arduradunek aipatu dutenez.

Hala ere, taldeok osatu ahal izateko, 2014 urtean jaiotako neska-mutilak behar ditu taldeak. Hala, interesa dutenak Andoni Vazquez futbol-eskolaren koordinatzaileagaz jarri beharko dira harremanetan 691 793 522 telefono zenbakira deituta.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun