Azken urteetan, Bizkaiko Foru Aldundiagaz egindako hitzarmena bitarte, Zainduz izeneko zerbitzu-multzoa eskaini izan du Leioako Udalak, "mendekotasuna duten pertsonen eta euren hurkoen bizi-kalitatea hobetzeko asmoz". Iaz, zehazki, senideen zaintzaz arduratzen diren 263 pertsonari lagundu zietela zabaldu dute. Bide batez esanda, arlo horretan oraindino dagoen genero-arrakala agerian uzten dute datuek: laguntza hartu zutenetatik, 200 izan ziren andrazkoak eta 63 gizonak.
Besteak beste, jagoletza-lanetan dabiltzanak trebatzeko eta informatzeko tailerrak eskaintzen ditu Zainduz zerbitzuak. Gainera, mendekotasuna dutenen autonomia hobetzeko jarduerak dituzte, eta laguntza psikologikoa ere bai.
Udalak jakinarazi du parte-hartzeko prozesu bat ipini duela abian, aurten eta 2021ean Leioan zaintza-lanetan ibiltzen direnek esan dezaten zer-zelako prestakuntza eta berbaldiak jaso gura dituzten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!