Mundu osoko 540 proposamen jaso ditu Umore Azokak

Maiatzaren 14tik 17ra egingo da aurtengo Leioako Umore Azoka. Hain zuzen ere, 31. edizioa beteko du jaialdi ezagunak, eta antolatzaileek 540 proposamen jaso dituzte bertan parte hartzeko. Datozen asteetan jakinaraziko da aukeratutako konpainiak zeintzuk diren. 

Leioako Udalak jakinarazi duenez, 40 konpainia baino gehiago izango dira kaleko artisten artisten azokan, azken urteetan ohi den legez. Erdiak Euskal Herrikoak izango dira, eta gainerakoak atzerrikoak. Izan ere, jasotako 500dik gora proposamenak mundu osotik ailegatu dira Leioara. Batzorde artistikoak horien artetik aukeratu beharko ditu azkenik azokan parte hartuko dutenak, "originaltasuna, berrikuntza, ikusgarritasuna eta kalitatea" baloratuz, azaldu dutenez. 

Bestalde, "profesionalen alorrean erreferentzia nagusi gisa betetzen duen posizioa" indartzearen aldeko apustua egin du Azokak. Udalak Eusko Jaurlaritzagaz eta Artekale elkarteagaz lortutako akordioari esker, Portugaleko hamar jaialdi nagusien zuzendari artistikoak Leioako Umore Azokako egun denetan egongo dira. Gainera, Espainiako Kultura Ministerioagaz adostu da erakunde horrek dirulaguntza ematea atzerriko zenbait talde (Mexiko, Alemania eta Belgika, besteak beste) Leioara etorri ahal izateko.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun