"Climbing girl-party", gero eta gazteago

Boulder Leioa Mendi Taldeak antolatzen dituen Climbing girl-party eskalada topaketak bederatzi urte egin ditu aurten. Atzo egin zuten 2020ko edizioa eta 70 emakume inguruk parte hartu zuten horretan; ikusi ahal izan denez, gero eta neska gazteagoak hasi dira parte hartzen. Hona hemen atzoko txapelketak utzitako argazkiak.

Atzo, martitzenean, egin zuten Boulder Leioa Mendi Taldeak antolatzen dituen Climbing girl-party 2020, Sakoneta kiroldegiko boulderrean. Arrastiko 17:00etan hasi zen txapelketa, 20:00ak arte; ondoren, sariak banatu zituzten. Askotariko zailtasuneko blokeak zeuden probaldian eta oso giro onean igaro zen proba.