Koronabirusa Uribe Kostan

Udal-instalazio denak itxi dituzte Leioan, aldi baterako

Koronabirusaren hedapena geldiarazteko ezohiko beste neurri bat iragarri du Leioako Udalak: aldi baterako ixtea Kontserbatorioa, Kultur Leioa, auzoetako Kulturguneak, Gaztegunea, Sakoneta kiroldegia, Torresolo eta Kandelazubieta instalazioak. Herritarrei arreta ematen dieten zenbait zerbitzutan, berriz, mugak ipiniko dizkiete jarduerari.

Udalak jakinarazi berri duenez, ezinbesteko tramiteak baino ez dituzte egingo udaletxean, Gaztelubiden, Gizarte Zerbitzuetan eta Behargintzan, besteak beste. Era berean, bertan behera utzi dituzte udal-jarduera denak.

Bestalde, osasun-arloko erakundeek emandako aholkuei jarraitzeko gomendioa zabaldu du Udalak.

Erlazionatuak

Leioako Udalak Mastitxu euskaltegia itxi du, prebentzioagatik

Leioa

Koronabirusaren azterketan positibo bat baieztatu ondoren, Leioako Udalak Mastitxu udal-euskaltegia behin-behinean ixtea erabaki du. Horrek adineko...