Leioako Udalak jakinarazi du Behargintzak sustatutako Leioa Bidean zerbitzua erabiltzen hasi dela familia zaurgarrienei laguntzeko. Bertoko dendetan erosteak egitea sustatzeko zerbitzua da Leioa Bidean, etxez etxeko banaketa egiten duena. Orain, gainera, etxera eroaten dizkiete elikagaiak orain gutxi arte Sortarazi elkartearen egoitzan jaso izan dituzten familiei.
Sortaraziren laguntza jasotzen dutenek bertaraino joan behar ez izateko ezarri du neurria Udaleko Gizarte Ongizate Sailak; honezkero euren etxeetan jasotzen dituzte elikagaiak.
Bestalde, Udalak gogorarazi du Leioa Bidearen bitartez edozein herritarrek jaso ditzakeela erosketak etxean. Hala izan da zerbitzua sortu zenetik, baina "orain elkartasun-kontu bilakatu da", adierazi du Udalak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!