Gaurtik aurrera egongo da aukera Lamiakoko geltokiko bigarren sarrera erabiltzeko, Metro Bilbaok jakinarazi duenez. Helburua da geltokia ondo lotzea Lamiako eta Txorierri auzoak elkartzen dituen igogailuagaz.
Bizkaiko Garraio Partzuergoak (BGP) egokitu du bigarren sarbidea. Lanek sei hilabete iraun dute eta 337.000 euroko kostua izan dute. Metro Bilbaoren esanetan, "jarduketa honekin BGPk Leioako Udalak eskatutakoa bete du"; udalak, bere aldetik, inguruko bizilagunen elkarte baten eskariz jo zuen BPGra.
"Lamiakoko geltokia 312.400 bidaia inguru izan zituen iaz, eta espero da Txorierri auzoarekiko lotura hobetuta erabilera handituko dela", esan du Metro Bilbaok.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!