Iaz 1.200 herritar inguruk ordaindu zuten aurrez aurre ibilgailuen zerga, eta aurten, izapide hori errazteko, azken asteetan itxita egon diren HAZak zabaltzea erabaki du Udalak. Hala ere, eta beste zerga batzuk bezala, ordainketa posta elektronikoz helbideratzeko aukera dagoela gogorarazi dute.
Esan gabe doa indarrean dauden higiene- eta prebentzio-neurriak bete beharrekoak izango direla. Izapide bakoitza egiteko pertsona bakarra sartu ahal izango da arreta-bulegora, eta eraikinaren barruan gehienez hiru pertsona egon ahal izango dira aldi berean; gainerakoek kanpoan itxaron beharko dute. Maskara eroatea gomendatzen da.
Beste izapide batzuk egiteko aukera egongo da, baina aldez aurretik hitzordua eskatuta, eta ezinbestekoa bada. Udalak gogorarazi du gainerako tramiteak egoitza elektronikoaren bidez edo sac01@leioa.net posta-kontuaren bidez egin beharko direla.