Leioako sutea talde feminista

"Matxismoaren aurrean ez dugu konfinatzerik"

80 lagun inguru batu ziren elkarretaratzean, deitzaileen esanetan. © SUTEA

Sutea talde feministak deituta elkarretaratzea egin zen atzo Leioako Bulebarrean. Udalerrian izandako eraso matxista bat salatzea zen deialdiaren helburua, baina bide batez gororarazi egin zuten COVID-19aren ondoriozko konfinamenduan emakume asko euren erasotzaileakaz "harrapatuta geratu direla".

"Emakumeok sufritzen ditugun erasoak pandemiak bigarren planoan utzi zituen dirudien arren, matxismoak bizirik dirauela salatu nahi dugu, eta horrek ere egunero-egunero hiltzen gaituela", adierazi zuten Suteako kideek.

"Matxismoaren aurrean ez dugu konfinatzerik, kaleak hartu behar ditugu, autodefentsa feministaz armatuta", gehitu zuten, eta babesa eta elkartasuna adierazi zizkioten azken erasoa jasan duen emakume leioaztarrari.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun