LeioaIndartu deskontu-bonuak ipiniko dituzte salgai, "tokiko kontsumoa suspertzeko"

Iban Rodriguez alkateak eta Leioako Merkatarien Elkarteak eman dute ekimenaren berri. © LEIOAKO UDALA

Bihartik aurrera (irailak 10) LeioaIndartu izeneko bonuak erosi ahal izango dira. Leioako Udalaren ekimen horrek herriko saltokietan kontsumoa sustatzea du helburu. Kutxabanken kutxazainetan eta udal-webgunean eskuratu ahal izango dira, eta parte hartzen duten establezimenduek kartel bat izango dute ondo ikusteko moduko lekuan, bertan bonuak erabil daitezkeela adierazteko. 

Prezio bitakoak izango dira bonuak: 20 eurokoa hartuz gero, 30 euroko erosketa egin ahal izango da; 10 eurokoak, berriz, 15 gastatzeko aukera emango du. Kreditu-txartel bakoitzeko bonu bi erosi ahal izango dira; Kutxabanken bezeroek ez dute kostu gehigarririk izango, gainerakoei 0,65 kobratuko zaie bonu bakoitzeko.

Hamar langile baino gutxiago duten negozioek hartuko dute parte ekimenean, askotariko esparruetan: ile-apaindegiak, dekorazioa, jangarriak, farmaziak, moda, ostalaritza... Udalak horien zerrenda eguneratua argitaratuko du; esan dutenez, momentuz 44 negoziok egin dute bat, baina datozen egunetan gehiago batzea espero dute.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun