"COVID-19aren aurkako neurri zorrotzak" ezarrita bueltatuko da Leioako Udalaren kultur programazioa

Azaroaren 20an eskainiko du emanaldia Izarok.

"Urteko lehenengo seihilekoan eskaini gabe geratu zen kultur programazioa berriro ekarriz, eta proposamen berriak gehituz", irailaren 25ean jarriko da martxan Kultur Leioaren udagoieneko egitaraua. Ohiko jarduerez gain hemeretzi ikuskizun izango dira gozagarri, gehienezko ikusle-kopuruak murriztuta eta segurtasun- eta higiene-neurriak hartuta.

"Sei musika-emanaldi, hamabi proposamen eszeniko eta dantza-ikuskizun bat" dakartza Kultur  Leioak urte erdiko etenaldiari amaiera ametako prestatu duen programazioak. Irakurle-taldeak ere ohiko martxan hasiko dira ostera ere, eta lau erakusketa egongo dira urteko azken hiruhilekoan.  

Areto nagusian 122 lagun baino ezin izango dira sartu, asko jota, eta hainbat seinale ipiniko dituzte pilaketarik egon ez dadin eta pertsonen arteko distantzia ahalik eta modurik egokienean errespeta  dadin. Musukoa janztea eta eskuak desinfektatzea derrigorrezkoa izango da, jakina, eta ateak ikuskizunak hasi baino ordu erdi lehenago hasiko dira. Amaitutakoan, atetik hurbilen daudenak irtengo dira lehenengo.    

Irailetik abendura arteko programazioa jakinarazi du Kultur Leioak. Lotura honetan ikus dezakezue oso-osorik.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun