Irailaren 15ean amaitu behar zuen Mastitxun izena emateko epeak, baina datorren asteko eguenera arte luzatzea erabaki du Leioako Udalak. Gogorarazi dutenez, aurrez aurreko %100eko eskaintza egingo dute ikasturte honetan, murriztutako taldeakaz betiere.
Higiene- eta segurtasun-neurriak "zorrotz" errespetatuko dituzte, eta egoerak okerrera egingo balu, "B plana garatuta dago aurreko ikasturteko esperientzia errepikatzeko", hau da, eskolak telematikoki emateko.
Ikasleek protokolo zehatz bat bete behar izango dute udal-eraikinean dauden bitartean: distantziak errespetatu, eskuak sarritan garbitu eta maskara ipinita izan beharko dute denbora guztian.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!