Leioako Udala ikerketa egiten dabil bertako emakumeen egoera ezagutzeko, "diskriminazio-egoeran edo askotariko zailtasunetan baitaude hainbat eremutan". Horien artean, dibertsitate funtzionala dutenak, etorkinak eta LGTBI kolektibokoak aipatu dituzte. Parte hartu gura duten emakumeentzat telefono-zenbaki bat ipini dute.
"Abuztura arte, hainbat iturritatik informazioa biltzeko eta ikertzeko aurretiko lana egin zen", azaldu dute, "eta irailaz geroztik harremanetan gaude kolektibo horietako teknikariekin, elkarteekin eta emakumeekin". Emakume horiek dituzten arazoen berri zuzenean euren ahotik jasotzea da helburua.
Prozesuak aurrera egin ahala aurrez aurreko eztabaida-taldea sortu gura dute, edo, osasun-egoeragatik horretarako aukerarik ez badago, telematikoa.
691 576 069 telefono-zenbakia ipini dute aniztasun funtzionala duten emakumeek, emakume etorkinek eta LGTBI kolektibokoek deitzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
