Astelehen eta martitzenean egingo dira aldez aurreko izen-emateak. Behin betiko izen-emateak, berriz, lekuak zozkatu ondoren egingo dira, Udalak azaldu duenez.
Sakonetan honako taldeak osatuko dituzte: aquafitness (astelehen, eguazten eta barikuetan, 08:10ean), tonifikazioa (martitzen eta eguenetan, 10:00etan), ziklo-indoor (martitzen eta eguenetan, 18:00etan; eta astelehen eta eguaztenetan, 20:00etan), zunba (astelehen eta eguaztenetan, 18:30ean; eta martitzen eta eguenetan, 19:30ean).
Ondiztorren hainbat pilates-talde egingo dituzte, astelehenetik barikura eta ordutegi bat baino gehiago aukeran, eta yoga talde bat, astelehen eta eguaztenetan jardungo duena, 19:30ean.
Torresolo, berriz, umeentzako padel-ikastaroak emango dituzte, hainbat mailatakoak.
Urriaren 28an zozkatuko dira ikastaro denetako lekuak. Sakoneta eta Ondiztorrekoen kasuan,11:00etan hasiko da zozketa, Sakonetan. Padel-ikastaroena Torresolon egingo dute, 12:30ean.
Honako hauek dira aldez aurretik izena emateko bideak:
- Sakoneta eta Ondiztorreko ikastaroetarako: 94 400 80 59 telefono-zenbakian, uki.atezaintza@leioa.net posta elektronikoko helbidean, edo aurrez aurre, 09:00etatik 21:00etara.
- Padel-ikastaroetarako: 94 600 44 75 telefono-zenbakian, torresolo@emtesport.com posta elektronikoko helbidean, edo aurrez aurre (Torresoloko instalazioetan), 12:00etatik 21:00etara.