Egoera epidemiologikoagatik ezarri diren azken murrizketak direla eta, Leioako Udalak Domu Santu Eguneko hilerrirako bisita aurreratzeko eskatu die herritarrei, azaroaren 1ean pilaketak saihesteko.
Leioako kanposantuaren gehienezko edukiera 190 pertsonakoa da. Horrenbestez, herritarrei gomendatu diete azaroaren 1aren aurreko egunetan egitea bisitak, pilaketak saihesteko, betiere 08:00etatik 18:00etara bitarteko ordutegian.
Gainera, gogorarazi dute derrigorrezkoa dela maskara une oro erabiltzea eta eskuen higiene egokia izatea, baita distantziak mantentzea ere.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!