Leioako Udalak abenduaren 13an egin behar zen Leioako XXXIII. Nekazaritza eta Abeltzaintza Azoka bertan behera uztea erabaki du, COVID-19aren hedapenak eragindako egoera epidemiologikoa dela eta. "Erantzukizunagatik eta pertsonen segurtasuna bermatzeko" hartu dute erabakia.
"Tradizio handiko hitzordua da leioaztarrentzat, bai eta inguruko udalerrietako herritarrentzat ere", azaldu du Udala, "gure lurraldeko produktuekin Gabonetako menuak egiteko hitzordu aproposa da, eta urtero 12.500 pertsona inguru biltzen ditu".
Nekazaritza eta Abeltzaintza Azoka Leioako Udalak antolatzen du Leioako Kirolzaleak elkarteagaz batera. Produktuen salmentaz gain, landa-eremuagaz lotutako umeentzako jarduerak egiten dira, baita "behirik politena" eta “gehien pisatzen duen behia” lehiaketak ere. Bizkaiko ekoizleei zuzendutako Idiazabal Jatorri Deiturako Gaztaren “Leioako Udala” lehiaketa ere egin ohi da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
