Txakurrentzako beste aisialdi-gune bi zabaldu ditu Udalak

© LEIOAKO UDALA

Txakurrentzako parke bana zabaldu ditu Leioako Udalak Udondon eta Errekalden.  Era horretan mota horretako hamasei gune egongo dira udalerrian, denera. Maskotek askatasunez gozatu ahal izango dute eremu horiez, "betiere jabeen kontrolpean eta zaintzapean".

Azken parke biak gehituta, ia 78.500 metro koadroko azalera dute Leioako txakurrentzako jolas-eremuek. Horietatik erdiak baino gehiago,  47.500 metro koadro, egunero 24 orduz erabil daitezke, eta gainerakoak (30.950), 20:00etatik 09:00etara.

Honako, eremuetan daude, zehazki, hamasei gune horiek:

24 orduz erabiltzekoak:

  • Aldapa parkea
  • Altzagaondo parkea
  • Artatza parkea
  • Elexalde parkea
  • Errekalde parkea
  • Lamiako
  • Mendibile parkea
  • Pinosolo parkea
  • Sarriena
  • Udondo

20:00etatik 09:00etara arte

  • Aldapa parkea
  • Artatza parkea
  • Kandelazubieta
  • Mendibile parkea
  • Ondiz parkea
  • Zarragabarrena parkea

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun