Bosteko erakusketa ibiltaria Kultur Leioan dago ikusbide atzotik. Javier Landerasen argazkiak, Laura San Juanen margolanak eta Mikel Lertxundiren eskulturak daude bertan, Begirada dibergenteak: shakkei ukitu bat izenburupean. Shakkei, edo "mailegatutako paisaia" kontzeptu japoniarraren inguruko berrirakurketa egiten dute erakutsitako lanek.
Getxoko Romo Kultur Etxeak, Kultur Leioak, Arrigorriagako Udalak, Basauriko Udal Kultur Etxeak eta Ametx Erakunde Autonomoak antolatzen dute Bosteko erakusketa ibiltaria, Bizkaiko Foru Aldundiak babestuta. Aurtengoa 23. edizioa da. Abenduaren 6ra arte egongo da Kultur Leioan, eta gero Arrigorriagara joango da, urtea han amaitzeko.
Iñigo Sarriugarte da komisarioa eta, esan bezala, Javier Landeras, Laura San Juan eta Mikel Lertxundiren lanak ditu aurtengoan. "Shakkei kontzeptaren arabera lorategi txikiak proiektatzen dira", azaldu dute, "baina lorategiaren espazio hutsera mugatzen diren funtzioak integratzeko aukera gaindituz elementu mugakideak ere atzematen dituztenak, hala nola tenpluak eta inguruan izaten duten naturaren ezaugarriak".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
