Atzo eman zuten argitara Leioako kiroldegi berria eraikitzeko proiektu-lehiaketaren lizitazioaren deialdia, Udalak bere webgunean azaldu duenez. "Udalerriak 31.000 biztanle baino gehiago ditu gaur egun", zehaztu dute, "eta kirol-eskaria etengabe ari da hazten. Horren ondorioz, Sakonetako instalazioak zaharkituta geratu dira, eta ez dute hazkunderik udalerriaren egungo beharrei erantzuteko".
Lehiaketara aurkeztu gura duten enpresek 60 eguneko epea izango dute proposamenak aurkezteko. Sakonetako gaur egungo instalazioaren ordez askotariko kirolak azpiegitura eraikitzea da asmoa, Udalaren esanetan leioaztarrek daborduko adierazi duten premia bat asetzeko. Hala ondorioztatzen da egindako azterlanetatik, eta hala jaso zen Udalak herritarren eta kirol-kluben artean egindako kontsultetan, azpimarratu dutenez.
Kiroldegi publiko berria agintaldi honetako proiekturik garrantzitsuenetako bat dela ere gogorarazi du Udalak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
