Koronabirusa Uribe Kostan

Leioako Udaltzaingoak 138 salaketa izapidetu zituen joan den aste-akabuan, COVID-19a dela eta ezarritako neurriak ez betetzeagatik

© LEIOAKO UDALA

Leioako Udaltzaingoak 138 salaketa tramitatu zituen joan den asteburuan, Eusko Jaurlaritzak COVID-19a kutsatzea saihesteko ezarritako neurri murriztaileak ez betetzeagaz lotuta. "Hala ere", zehaztu du Udalak, "esan beharra dago leioaztar gehienek neurriak betetzen dituztela; izan ere, datuei erreparatzen badiegu isuna jaso zutenen %60 udalerritik kanpokoa da".

Salaketa gehienak (44) sei pertsonak baino gehiagok egindako bilerengatik izan dira. Mugikortasun-mugak ez errespetatzeagatik 41 ipini dituzte, eta 24 etxeratze-agindua ez errespetatzeagatik. Maskara ez ipintzeagatik hamar salaketa jarri dituzte udaltzainek, eta beste hamabi txarto ipintzeagatik. Bestalde, lau pertsonak isuna jaso dute behar adinako tarteari eutsi barik kalean erretzeagatik.   

Gainerako salaketak identifikatzeari uko egiteagatik (2) eta agintaritzaren agenteekiko errespetu faltagatik (1) ezarri ziren.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun