Udal-iturriek adierazi dute udaltzainek Leioako establezimendu batean ustez elikagai-produktuak lapurtzen zegoen gizon bat harrapatu zutela aurreko eguenean, martxoaren 18an. Azaldu dute establezimenduko langileek Udaltzaingoari jakinarazi ziotela lokalean zeuden bi gizon ari zirela dendako produktuak arropa azpian ezkutatzen. Agenteak bertaratu zirenean egiaztatu zuten haietako batek hainbat elikatura-produktu zeramatzala soinean; gaineratu dute ez zutela bigarren laguna aurkitu.
Pertsona susmagarria identifikatu ondoren, bere autoan egindako miaketan, agenteek estreinatu gabeko hainbat motatako produktuak aurkitu zizkioten. Hark ezin izan zuen horien jatorria justifikatu, eta udaltzainek ondorioztatu zuten beste establezimendu batzuetan lapurtutakoak zirela.
Udal-iturriek adierazi dute gizonak aurrekari ugari dituela, eta epailearen esku utzi dutela kasua, lapurreta-delituak egotzita. Bitartean, Udaltzaingoak lapurretetan beste pertsona bat inplikatuta ote dagoen ikertzen jarraitzen du.