Barikuan, hilaren 11n, Bizkaiko Gizarte Segurantzaren Diruzaintza Nagusiaren aginduz Leioako udal-langileek gaztetxeko sarbideak hormatu zituzten; jakinarazi dutenez, eraikina eraisteko asmoa dute.
Leioako udal-langileek Udondo gaztetxeko sarbideak hormatu dituzte. Bizkaiko Gizarte Segurantzaren Diruzaintza Nagusiak sarbidean jarritako idatzi batean adierazi duenez, eraikinaren jabetza berea da, eta, Leioako Udalagaz batera, eraikina aurri-egoeran dagoela deklaratu ondoren, hori eraisteko asmoa iragarri dute.
Gaztetxeko kideek adierazi dute beraiek ez dutela aldez aurretik inolako abisurik jaso, eta, barikuan, Leioako Udaltzaingoak bertaratu ziren kide guztiak identifikatu zituela. Horretaz gain, beraien ondasun guztiak batzeko 17:00ak arte eman zietela azaldu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
