Autodefentsa ikastaroak, Tuppersex pedagogiko feminista, literatura tailerrak... Laket Leioako emakumeen jabekuntza-eskola 2021-2022 ikasturteko programazioa ari da definitzen, eta, horretarako, Leioako Udalak herritarrei parte hartzeko deia egin die, galdetegi baten bitartez beraiek gura dituzten edukiak aukeratu ditzaten.
Emakume leioaztarren laguntzagaz osatuko dute 2021-2022 ikasturteko Laket Leioako emakumeen jabekuntza-eskolaren programa. Udalak prozesu parte hartzailea abiatu du, galdetegi baten bitartez hurrengo ikasturteko edukiak definitzeko. Prozesu horren helburua da, adin eta jatorri guztietako emakumeak elkartzea, hausnartzeko, eztabaidatzeko eta ikasteko gune bat eskaintzen jarraitzea, Leioako emakumeen ahalduntze pertsonal, sozial eta politikoari lagunduz.
Lotura honetan datorren urtean lantzeko hainbat proposamen egiten ditu Udalak, eta interesa dutenek horien artean aukeratu besterik ez dute egin behar. Horren emaitzak irailean aurkeztuko dituzte, eta, aldiz, ikastaroa 2021eko urrian hasi eta 2022ko maiatzean amaituko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
