Euromiloiak zozketako sariak 113 milioi euro utzi ditu Leioan

Duela gutxi Minbiziaren Zozketako lehen saria ere eman zuten Urkiolak eta Galanek. © LOTERIA ARTEA

EAEn izandako saririk altuena Leioako Artea Merkataritza Zentroko administrazioan eman dute.

Aurreko barikuko Euromilioiak zozketako sariak 113 milioi euro utzi zituen Leioan, Artea Merkataritza Zentroko 4 zenbakiko loteria-administrazioan baieztatuko sarian; EAEn inoiz ematen den mota horretako saririk altuena da.

Jon Urkiola eta Amaia Galan administrazioko arduradunek Europa Press albiste agentziari jakinarazi diotenez, bariku iluntzean, Loteria Ordezkaritzaren deia jaso zuten jakinarazteko euren lokalean balioztatutako txartel automatiko batek 113 milioi euroko saria jaso zuela, "Europa osoan asmatzaile bakarra", azpimarratu dute.

Zorionekoak 113.156.128 euro eskuratu ditu, lehen mailako txartel asmatzaile bakarrari esker. Konbinazio irabazlea 6, 12, 44, 47 eta 49 zenbakiek osatu dute, eta, aldiz, izarrak 8 eta 12 zenbakiak izan dira. Guztira, 85.019.242,00 euro bildu ziren zozketa horretan.

Sari horretaz gain, administrazio horretan hainbat sari banatu dituztela gogoratu dute Urkiolak eta Galanek, besteak beste Gabonetako Zozketako bigarrena 2017an. "Hau beste gauza bat da, Gabonetako Zozketak banatuta egoten direlako, eta, oraingoan 113 miloi euroak sari bakarra direlako", nabarmendu dute. Gainera, duela gutxi Minbiziaren Zozketaren lehen saria ere eman dutela azaldu dute.

 

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun