Arte, artisautza eta sorkuntza ikastaroak eskainiko dituzte Kultur Leioan

Ikastaroak astelehenetik barikura egingo dituzte, goizeko eta arratsaldeko ordutegian. © LEIOAKO UDALA

Hurrengo ikasturtean Kultur Leioan emango dituzten hainbat ikastarotan izena-emateko epea zabalduko dute abuztuaren 30etik aurrera. Besteak beste, zur-lanketa, zeramika, altzarien zaharberritzea eta jantzigintza ikasteko aukera eskainiko dute.

Datorren ikasturtean, 2021-2022an, Kultur Leioan artea, artisautza eta sorkuntzagaz lotuta dauden hainbat ikastaro eskainiko dituztela iragarri dute. Aurre-matrikula egiteko epea abuztuaren 30etik, astelehenetik, irailaren 10era egongo da zabalik, Kultur Leioan edo Gaztelubideko udal-bulegoan.

Antolatzaileek zehaztu dutenez, tailerren edukiera mugatua izango da; 8 eta 12 pertsona bitartekoa, hain zuzen ere. Horietan izena ematen dutenen kopurua altuagoa izanez gero, irailaren 14an zozketa bidez esleituko dira plazak. Bestalde, irailaren 20an, aurretik izena eman ez duten leioaztarrek eta beste udalerrietako pertsonek apuntatzeko aukera izango dute.

Bestalde, ikastaroen ordainketa osoa banku-ordainketaren bidez egingo da; beraz, plaza lortzen dutenek kontu-zenbakia eman beharko dute, eta ikastaroa hasi eta hilabetera baja eman gura dutenei ez zaie matrikula-dirua itzuliko. Horretaz gain, justifikatu gabeko hutsegiteek eta gutxieneko eskola-kopuru batera ez joateak plaza galtzea eragingo duela ere jakinarazi dute.

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun