Leioa Waterpolo Taldeko emakumeek 2021-2022 denboraldiko lehen sariketa eskuratu zuten zapatuan, urriaren 16an, Askartzako igerilekuan jokatu zen Euskal Herriko Superkopan. Leioaztarrek 15-10 irabazi zuten final handian, Iruña 98 02 talde nafarraren aurka. Horren aurretik, leioaztarrek Urbat-Donostia taldeari garaitu zioten finalaurrekoetan.
Leioa Waterpolo Taldeko emakumeek joko paregabea erakutsi zuten, oso dinamikoa eta eraginkorra erasoan; horri esker, talde nafarraren defentsa gainditzea lortu zuten.
19 hilabetez garaipena ezagutu gabe egon ondoren, Sakonetako taldeak Euskal Herriko Superkopa irabazi du, beraz, ate handitik itzuliko dira Emakumezkoen Lehen Mailara. Gainera, urriaren 30ean hasiko den txapelketan izango duten lehen aurkaria talde iruindar bera izango da.