Bihar, azaroaren 4an, Leioako Eguna izango da, baina aurtengo ospakizunak oso bestelakoak izango dira, beste urteakaz alderatuta. Iban Rodriguez Leioako alkateak azaldu du aurtengo urteurrenean COVID-19aren ondorioz hil diren eta laguntza eman duten herritarrak gogoratzeko baliatuko dutela: "Ez genuen efemeride honen ohiko ospakizuna berriz hartu nahi, auzokide hauei euren borroka, lana eta dedikazioa gogoratu eta eskertu gabe".
Leioako sorreraren 495. urteurreneko ekitaldia sinbolikoa izango dela zehaztu du alkateak, "aurrekoakaz alderatuta oso bestelakoa". Horretarako, 20:00etan jarri dute hitzordua, Leioako Indarra Nestor Basterretxearen eskulturaren ondoan. Bertara, udalbatzaz gain, Leioako herritar guztiak gonbidatu dituzte, "guztien artean omenaldi polit hau egiteko".