Guatemalako emakumeek beraien borrokei buruzko ezagutzak partekatuko dituzte

Erakundeak egidako beste saio bateko irudi bat. © ENTREAMIGOS-LAGUN ARTEAN

"Poztasuna berreskuratzea, indarkeriatik bizirik atera diren emakumeak sendatzeko eta duintzeko tresna gisa", izeneko esperientzia eta jakintza elkartrukea egingo dute azaroaren 16an eta 23an, Laket Leioako Emakumeen Etxean.

Entramigos — Lagun Artean gobernuz kanpoko erakundeak eta Guatemalako Colectivo Actoras de Cambio elkarteak elkartruke bat antolatu dute Guatemalako emakumeen borrokei eta aldarrikapenak ezagutzera emateko. Gainera, Euskal Herriko eta munduko beste leku batzuetako emakumeen borrokakaz duten lotura ezagutzeko espazioa ere sortu gura dute.

Topaketan, ikuspegi anitz eta askotarikotik, eta generoaren eta kulturartekotasunaren alorretik, emakumeek bizi dituzten zapalkuntzak eta indarkeriak aztertuko dituzte, "murgilduta gauden sistema patriarkal, kapitalista, heteronormatibo eta arrazista honen ondorioz, bizitza era errealitatea ulertzeko egitura berriak sortzeko", azaldu dute.

"Poztasuna berreskuratzea, indarkeriatik bizirik atera diren emakumeak sendatzeko eta duintzeko tresna gisa" deitutako topaketan azaroaren 16an eta 23an egingo dituzte, Laket Leioako Emakumeen Etxean, 18:00etatik 20:00etara.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun