Maiatzean egingo dute 2022ko 22. Leioako Umore Azoka, Euskal Herriko, Estatuko eta nazioarteko hainbat artista eta konpainia elkartzen dituen jaialdi entzutetsua, hain zuzen ere. Horren kartela aukeratzeko ardura izan duen epaimahaia osatu dute ondorengoek: Amaia Garaizabal, Arrigorriagako Udaleko teknikaria; Alejandro Antunez, Hotzmuga Konpainia; Jokin Nieto, diseinu enpresa, eta Estibaliz Bilbao, Leioako Kultura, Kirol eta Gazteria zinegotziak.
Maximiliano Cosattiren proposamena aukeratu dute, epaimahaiaren ustez, "Umore Azokaren esentzia eta bertan parte hartzen duten diziplina guztiak irudikatzen dituen irudiaren gaitasun sinbolikoa duelako".