Talentu handiko 15 musikari gaztek indarrak neurtuko dituzte zapatuan César Unceda Sarien XVI. edizioan

Erredakzioa 2022ko mar. 15a, 10:28
Deskargatu Info Ahotsak :

Guztira, 15 musikari gazte arituko dira zapatuan Kultur Leioan. © LEIOAKO UDALA

Hilaren 19an, Kultur Leioako Auditoriuma musikazaleek gehien espero duten hitzorduetako baten agerlekua izango da, egun horretan, César Unceda: Gazte Interpretatzaileak lehiaketaren urteroko hitzordua egingo baitute, 20:00etan hasita. Bertan, hainbat musika diziplinatako 15 musikari talentudun gaztek emanaldiak egingo dituzte Kultur Leioako oholtza gainean.

Sari-banaketako ekitaldira joateko gonbidapenak Kultur Leioan daude eskuragarri, lehiaketaren irabazlearen eta Sandra Ibarretxek (klarinetea) eta Itxaso Sáinz de la Mazak (pianoa) osatutako Elai bikotearen emanaldiaz gozatzeko.

Hamaseigarren edizio honetan 15 gaztek aurkeztu dute hautagaitza eta bost sari jasoko dituzte: lehenengo, bigarren eta hirugarren sariak, aipamen berezia eta ohorezko Aipamena. Sariok lortzeko hautagaiak honako hauek dira:

Daniel Johannes Dolechal Ugarte (pianoa)
Irati Ibarra Daguerre (akordeoia)
Ibai de Miguel García (bonbardino)
Markel Intxaurbe Onandia (gitarra)
Lucía Pablos Pacheco (zeharkako flauta)
Naroa Egurza Vicedo (pianoa)
Enara Zeberio Erauskin (pianoa)
David Buceta Muñoz (pianoa)
Eider Díaz Zazpe (zeharkako flauta)
Álvaro Abadías Paniagua (pianoa)
Alonso Puig Alquézar (tronboia)
Raquel Pascual Arnaiz (pianoa)
Alex Arroyo Luis (pianoa)
Paul Muñoz Errasti (saxoa)
Aitana López Caaveiro (pianoa)

Kultura Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun