Kirola babesleku

Pandemiak mundua hankaz gora jarri zuen: itxialdia, krisia, ezinegona, noraeza... Pandemiatik hobeto irtengo ginen uste baikorra berehala ezabatu zitzaigun errealitate gordinarekin topo egin genuenean: ez gara hobeak. Aldatu, ordea, bai; izugarri aldatu gara. 

Kirola ere asko aldatu da. Ia bi urte luzeko etenaldi gogorraren ostean –gogoratu gizartea normaltasunean sartzen ari zen bitartean kirolak, eta batez ere eskola-kirolak, neurri murriztaile askorekin jarraitu zuela–, kirola eta kirolariak izugarri aldatu dira.

Erabateko aldaketa horretan, kirolari gazteenengan jarri nahi dut lupa. Pandemiak denongan izan du eragina, baina susmoa dut psikologikoki nerabe eta gazteak jo dituela batik bat. Bereziki gorabeheratsua den adin batean egonda, etenaldiak izugarri desorekatu ditu gure gazteak. «Lotuta» egon ondoren, orain bizitza beste abiadura batean aprobetxatu behar/nahi dute, eta sakelakoan agenda bete-betea daramate gehienek: ikasketak, aisialdia, kirola...

Eta agenda bete horretan kirolaren rola aldatu delakoan nago. Mundu zoro honetan kirola babesleku bihurtu behar dugu. Gazte eta nerabeak ahalik eta goxoen artatu behar ditugu. Merezi dute.

Bidali zure iritzi artikuluak hiruka@hiruka.eus helbide elektronikora

HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun