Leioako udal-iturriek jakitera eman dutenez, aurreko zapatuan, maiatzaren 14an, Leioako Udaltzaingoaren oinezko zaintzaldi batean, agenteek gizon bat ikusi zuten patinete elektriko bategaz udalerriko hainbat kaletan abiadura handian zirkulatzen, gelditzeko aginduei jaramonik egin gabe. Agenteek Iparragirre kalean geldiaraztea lortu zuten, eta gizonaren jarrerak estupefazienteen eraginpean egon zitekeela pentsarazi zien. Hori dela eta, identifikatu eta miatu zuten.
Soinean zeraman poltsaren miaketan, substantzia susmagarria zuten 300 gramoko bi pakete aurkitu zizkioten. Identifikatu eta atxilotu zutenean, gizonak aurre egin zien agenteei, eta haietako bat eraso zuen.
Horregatik guztiagatik, Leioako Udaltzaingoak gizona atxilotu zuen, agintaritzari jarkitzeagatik eta material estupefazientea edukitzeagatik salatua, bere eskubideen berri eman zioten, eta, ondoren, epailearen esku utzi zuten.