Herrigune Leioako laborategian 2021-2022 ikasturtean egindako lanak eta prozesuak erakutsiko dituzte gaur, eguena. Besteak beste, leioaztarrek egindako eskulanak, landareakaz egindako sorkuntza-lanak, LiburuLab eta udalerriko taldeakaz bultzatutako ekimenak aurkeztuko dituzte, 17:00etatik 19:00etara, Sabino Arana kalean egingo duten erakustaldian.
Horretaz gain, Ekineko talde motorrak ere izango dira jarduera horretan, herritarrek proposatutako guztien onerako erronketan landutako guztia ezagutzera emateko. Udal-iturriek azpimarratu dutenez, erronka horiek herritarren eta erakundeen artean elkarlanean garatzen ari dira, lankidetza publiko-sozialaren esperientzia berritzaile batean.
Halaber, iragarri dute aukera ona izango dela ikasturtean Herrigunen eman diren prozesu, lan eta partaideak ezagutzeko eta ikusteko, eta hurrengo ikasturterako ideia berriak edota proiektuak proposatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
