Ertzaintzak Leioan indarra erabiliz egindako lapurreta baten ustezko egileak identifikatu ditu

Erandioko Ertzain-etxeko agenteek zabaldu dituzte kasuaren eginbideak. © EUSKO JAURLARITZAKO SEGURTASUN SAILA

Segurtasun Sailak igorri duenez, eginbideak ireki dizkiote 17 urteko gazte bati eta 18 urteko beste bat atxilotu dute, aurreko aste-akabuan indarkeria erabiliz lapurreta bat egitea leporatuta. Zehaztu dute zapatuan, ekainaren 18an, 23:00ak aldera, gertatu zela lapurreta, Leioako metro irteeran bi gazteek gizon bati eraso egin ziotenean urrezko kate bat kentzeko.

Biktimak Ertzaintzan salatu zuen gertaera, eta une horretan hasitako ikerketa-lanari esker ustezko lapurrak, horietako bat adingabea, identifikatu eta aurkitu ahal izan zituztela azaldu dute.

Adinez nagusia den inplikatua eguaztenean, ekainaren 29an, atxilotu zuten indarkeria erabiliz lapurreta egitea leporatuta, eta, gero, Bilboko Guardiako Epaitegiaren eskuetan utzi zuten. Aldiz, adingabeari egitate berberak leporatu dizkiote Ertzaintzak instruitutako eginbideetan.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun