Leioako Udaleko azken Udalbatzak Ibaiondoko 15b erenuko p.02 partzelan eraikiko dituzten Babes Sozialeko 26 etxebizitzen zozketaren oinarriak arautzen zituen ordenantzaren deuseztasuna deklaratu zuen. Hori dela eta, prozesu horretan parte hartu gura duten pertsonek beren eskabidea berriro erregistratu beharko dute. Udal-iturriek azaldu dutenez, gutxi gorabehera, urrian, izena emateko epea zabalduko dute.
Udalak zehaztu duenez, deuseztasunaren arrazoia aurreko deialdian eskatutako gutxieneko diru-sarreretan antzemandako akatsa izan da. Diru-sarrera horiek 9.000 eurokoak ziren, eta indarrean dagoen araudiak ezartzen du diru-sarrera horiek 12.000 eurokoak izan behar dutela. Hori dela eta, Udalbatzak aurreko ordenantza arautzailea baliogabetzea erabaki zuen eta ordenantza arautzailea behin-behinean onartu zuen, puntu horretan zuzenketa eginez.
Horregatik, promozio horren etxebizitzak esleitzeko zozketan parte hartu gura dutenek berriro izena eman beharko dutela azaldu du Udalak. Prozedura etxebizitza-eskatzaileen udal-erregistroan, Udalaren HAZn egin ahalko da, ordenantza berria behin betiko onartu ondoren, Legean aurreikusitakoaren arabera. Halaber, beste aukera bat izango da eskatutako baldintzak betetzen dituzten eskatzaile berrientzat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
