Irailaren 4an

Ondizen egingo den Bizkaiko Aurresku Txapelketaren 60. ediziorako izen-ematea zabalik dago

Aurreko edizio bateko argazkia, artxiboko irudian. © LEIOAKO UDALA

Leioako Udaleko Kultura eta Gazteria Sailak, herriko Gure Ohiturak eta Txikiak dantza taldeen laguntzagaz, Bizkaiko Aurresku Txapelketaren 60. edizioan parte hartzera deitu du daborduko. Irailaren 4an, 19:00etan, Ondizko probalekuan jarri dute hitzordua. Izena emateko, fitxa bete eta posta elektronikoz bidali behar da infokultur@leioa.eus helbidera. Gainera, antolatzaileek aurreratu dutenez, lehiaketaren egunean bertan ere izena eman ahalko da, 17:00etatik 18:00etara.

Ohikoa denez, bi kategoria ezarriko dituzte modalitate bakoitzeko: 16 urtetik beherako aurreskulariak eta 16 urtetik gorakoak, emakumezkoetan eta gizonezkoetan. Parte hartzen dutenek honako sari hauek jasotzeko aukera izango dute:

Emakumeen modalitatea
Beteranoen kategoria

  1. saria: 450 euro, garaikurra eta zapia.
  2. saria: 300 euro eta garaikurra.
  3. saria: 150 euro eta garaikurra

Gazteen kategoria

  1. saria: 200 euro eta garaikurra.
  2. saria: 150 euro eta garaikurra.
  3. saria: 100 euro eta garaikurra.

Gizonezkoen modalitatea
Beteranoen kategoria

  1. saria: 450 euro, garaikurra eta txapela.
  2. saria: 300 euro eta garaikurra.
  3. saria: 150 euro eta garaikurra.

Gazteen kategoria

  1. saria: 200 euro eta garaikurra.
  2. saria: 150 euro eta garaikurra.
  3. saria: 100 euro eta garaikurra.

 

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun