Leioako Udaltzaingoak Gaztelubidetik gora, Gaztelueta eta Betiko ikastetxeetara bidean, doazen autoen abiadura kontrolatzen hasi da aste honetan radar mugikorragaz.
Udal-iturriek azaldu dutenez, neurri hori hartu dute bizilagunek egindako kexen ondorioz. Azken urteetan, auzotarrek eta ikastetxeetara doazen ikasleen guraso askok adierazi baitute eremu horretako trafikoa ez dela segurua, autoen abiadura gehiegizkoa delako.
Gogoratu behar da Leioan 30 km/h abiadura-muga hausteak 100 eta 600 euro arteko isunak dakartzala, gidabaimenean sei punturainokoak izateaz gain.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!